Publicado en

BenQuerer máis accesible ao redor do Día Internacional da Danza!!!

Conmemorando o Día Internacional da Danza BenQuerer será máis accesible grazas á posibilidade de reservar butacas preferentes (prazas limitadas) e as seguintes medidas:

– Mochilas vibratorias.

– Intérprete de LSE no faladoiro posfunción.

– Paseo táctil (con intérprete LSE).

– Folleto en braille e folleto coas letras das cancións.

As datas e lugares son:

– 24 de abril no Pazo da Cultura de Narón,

– 25 de abril no Auditorio Municipal de Vigo,

– 26 de abril no Pazo da Cultura de  Carballo,

– 2 de maio no Auditorio Municipal de  Ribeira.

Para reservar a túa entrada e butaca preferente escribe ao Servizo de Accesibilidade de MADA produción:

– accesible@madapro.gal

– Whatsapp 622.122.898 

Coa Colaboración do Padroado da Cultura de Narón e as Concellarías de Cultura dos Concellos de Vigo, Carballo e Ribeira.

Publicado en

Un Baile Ceibe en Danza a Escena 2026

Arranca #DanzaaEscena2026

O 9 de abril arranca Danza a Escena 2026, unha edición que contará, ata o próximo mes de decembro, cun total de 28 compañías, que poremos en escena 124 funcións en 21 entidades escénicas asociadas a La Red en 10 Comunidades Autónomas.

Anotade nas vosas axendas:

      • 18.09 | Un Baile Ceibe no Concello de Rivas Vaciamadrid.
      • 29.11 | Un Baile Ceibe en comunidade no Concello de Soria (con obradoiro o 28.11).
Publicado en

BenQuerer en Lugo!!!

1ª parada da Xira BenQuerer:

Será o 27 de febreiro ás 20:30 horas no Auditorio Municipal Gustavo Freire de Lugo.

Entradas xa á venda en www.entradaslugo.es

Dentro da programación cultural do Concello de Lugo, a través da Rede Galega de Teatros e Auditorios da Xunta de Galicia.

Contaremos coas seguintes medidas de accesibilidade:

      •  paseo táctil antes da función (fai a túa reserva enviando un correo a fran@fransieira.com antes do 24 de febreiro).
      • Folleto de man en braille.
      • Folleto de man coas letras das cancións.

Ademais BenQuerer non finaliza despois dos saúdos, ao remate da obra teremos un momento para todas nós. Farémosvos partícipes dunha pequena posfunción na que nos achegaremos ao traballo das artistas e abriremos un espazo de diálogo para compartir reflexións arredor do autocoidado.

Benvidas a BenQuerer!!!

 

Publicado en

BenQuerer, ACCESIBILIDADE SENSORIAL

A estrea de BenQuerer, o próximo venres 6 e sábado 7 de febreiro no Teatro Principal de Santiago de Compostela será máis accesible grazas a varias medidas:

      • Mochilas vibratorias,
      • intérprete de LSE no faladoiro posfunción,
      • paseo táctil previo (con intérprete LSE),
      • folleto en braille e folleto coas letras das cancións.

Ademais dun 50% de desconto no prezo da entrada para as persoas con discapacidade.

Se queres asistir, escribe cos teus datos a fran@fransieira.com

Tes ata o domingo 1 de febreiro para reservarnos as túas butacas preferentes (prazas limitadas).

Anímate e ven desfrutalo!

Publicado en

OBRADOIRO ‘Un Baile Ceibe en comunidade’ FESTIVAL C · MEDIACIÓN

Convocatoria aberta e gratuíta para as primeiras 20 persoas maiores de 16 anos relacionadas co baile tradicional galego que formalicen a súa inscrición (ata o 22 de agosto) no Formulario de inscrición.

Un obradoiro de creación e investigación de 4 horas de duración que se desenvolverá o 25 de agosto de 10 a 14 horas no Auditorio de Galicia, en Santiago de Compostela.

Ese mesmo día, na representación de Un Baile Ceibe que terá lugar ás 20 horas no Cemiterio de Bonaval incluiremos ás participantes do obradoiro dentro da estrutura coreográfica da peza xerando grupos de corpos danzando ceibes.

A metodoloxía e ferramentas da práctica estarán vinculadas aos conceptos que se abordaron no proceso de creación de Un Baile Ceibe. Experimentaremos desde o movemento normativo que xeran os nosos corpos e veremos canto dese movemento está condicionado polos estereotipos de xénero tradicionais. Recoñecerémolos e crearemos unha práctica do movemento tanto individual como colectiva intentando desligarse deses clixés e creando distancia coa normatividade a través dun movemento máis libre e amable co noso corpo. Ademais aprenderemos todo o material coreográfico necesario para que as persoas participantes poidan integrarse no elenco da última parte de Un Baile Ceibe.

Publicado en

Un Baile Ceibe en Figueres es MOU!!!

Agradecidas de formar parte do Festival Figueres es MOU da man de Red Acieloabierto.

4 de xullo ás 19:45h. na Praza do Concello de Figueres.

Gratuito!!!

E coas Axudas ás Actividades de Distribución para industrias culturais 2025 da Xunta de Galicia, a través da Agadic.

Publicado en

Un Baile Ceibe en Lekuz Leku, Bilbao!!!

Felices de formar parte da XXI Edición do Festival Lekuz Leku organizado por La Fundición da man de Red Acieloabierto.

28 de xuño ás 21:00h. nas inmediacións do Museo Guggenheim, Bilbao.

Gratuito!!!

Coas Axudas ás Actividades de Distribución para industrias culturais 2025 da Xunta de Galicia, a través da Agadic.

Publicado en

Un Baile Ceibe en Sismògraf Olot!!!

Estamos emocionadísimas de formar parte do Festival Sismógraf Olot da man de Red Acieloabierto.

Este próximo sábado, 26 de abril:

    • Fonts de Sant Roc | 11:30h.
    • Claustre del Carme | 18:15h.

Gratuito!!!

E coas Axudas ás Actividades de Distribución para industrias culturais 2025 da Xunta de Galicia, a través da Agadic.

Publicado en

IV Gala da Cultura da Deputación da Coruña

O Teatro Colón acollerá, o próximo 10 de abril ás 19h, a celebración da IV Gala da Cultura da Deputación. Unha cita na que se entregarán os premios convocados pola área de cultura da Deputación no 2024: o Torrente Ballester de Narrativa; o Castelao de Banda Deseñada; o Raíña Lupa de Literatura infantil e xuvenil; o González Garcés de Poesía; o Antonio Fraguas de Artesanía; o Fran Pérez ‘Narf’ de música; o Begoña Caamaño á acción cultural pola igualdade de xénero; o Jesús Núñez de Arte Gráfica e o Luís Ksado de fotografía. A entrada é libre ata completar aforo.

A reinterpretación da tradición ou o “novo tradi” será o fío condutor dunha gala presentada pola xornalista Susana Pedreira, que contará coas actuacións de Alana e Fran Sieira e que terá tamén interpretación en lingua de signos. Ademais, o encaixe de Camariñas será protagonista, como “símbolo da nosa tradición, artesanía e identidade”, explicou a deputada, en toda a estética.